Автозавод районында Укытучылар көне уңаеннан «Автозавод районы мәгариф лидерлары» мәгариф учреждениеләренең иң яхшы җитәкчеләре һәм педагогик хезмәткәрләренең Мактау тактасын яңарту буенча тантаналы чара узды.
Быел гомуми, мәктәпкәчә һәм өстәмә белем бирү буенча конкурс комиссиясе каравына 41 кандидатура тәкъдим ителде. Комиссия педагогларның мәгариф системасына керткән шәхси өлешләре, һөнәри осталык бәйгеләрендә җиңүләре, республика һәм шәһәр олимпиадаларында, конкурсларда, күргәзмәләрдә һәм конференцияләрдә югары нәтиҗәләргә ирешүләре исәпкә алынды. 2020/2021 уку елы йомгаклары буенча тармакның 21 хезмәткәре сайланды - алар Татарстан Республикасы Мәгариф һәм фән министрлыгының Мактау грамоталарына һәм Рәхмәт хатларына ия булган остазлар, Бөтенроссия, Республика һәм шәһәр һөнәри осталык конкурсларында җиңүчеләр.
Җиңел булмаган хезмәтләре, һөнәри осталыклары һәм үз эшләренә тугры калулары өчен рәхмәт сүзләре белән Автозавод районы хакимияте башлыгы Винер Харисов, мәгариф идарәсе башлыгының беренче урынбасары Нәркиз Кашапов мөрәҗәгать иттеләр.
Автозавод районы белем бирү учреждениеләренең иң яхшы җитәкчеләренә һәм педагогик хезмәткәрләренә педагогик осталык, һөнәри эшчәнлекнең югары нәтиҗәләре, муниципаль белем бирү системасын үстерүгә зур өлеш керткәннәре өчен Мактау тактасына кертү турында таныклыклар тапшырылды.
При использовании информации просьба ссылаться на Управление информационной политики и по связям с общественностью.
Пәнҗешәмбе, 7 октябрь 2021, 16:52