Рөстәм Миңнеханов ТОСЭР резиденты - «ТЭСК» компаниясенең яңа инвестицион проекты белән танышты, ул һава-бүлү челтәрләре өчен линия-асылмалы арматура җитештерә. Шулай ук предприятиедә Чаллы шәһәре мэры Наил Мәһдиев, Татарстан Республикасы Премьер-министры урынбасары, Татарстан Республикасы сәнәгать һәм сәүдә министры Альберт Кәримов, «КАМАЗ» ААҖ генераль директоры Сергей Когогин һәм Дәүләт Думасы депутаты Әлфия Когогина булды.
"Чаллы" ТОСЭР резиденты статусын әлеге компания 2017 елда алды. Хәзер компаниядә 43 хезмәткәр эшли. Предприятие продукцияне базарда иң югары сыйфатлы продукция буларак күрсәтте. Биредә конструкторлык һәм техник бүлекләр бар, алар җитештерелә торган продукциянең техник һәм эксплуатацион характеристикаларын яхшырту, шулай ук яңа эшләнмәләр һәм модификацияләр уйлап чыгару белән шөгыльләнә.
1.jpeg)
Рөстәм Миңнеханов җитештерелә торган продукция үрнәкләре белән танышты һәм җитештерү линияләрен карап чыкты. Компаниянең техник директоры Фәнил Динмөхәммәтов хәбәр иткәнчә, агымдагы елда 10 кВга кадәр булган көчәнештәге товарлар ассортиментын киңәйтү, ә 2022-2023 елларда - 10-35 кВлы яңа продукция эшләү һәм үзләштерү планлаштырыла.
Татарстан Президенты җитештерүчеләрне ил һәм чит ил базарларын активрак үзләштерергә өндәде.
При использовании информации просьба ссылаться на Управление информационной политики и по связям с общественностью.
Сишәмбе, 14 сентябрь 2021, 14:59