Мы в социальных сетях

Яр Чаллы шәһәре предприятиеләре һәм учреждениеләре яшьләре арасында ел саен үткәрелә торган пляж волейболы буенча ир-атлар һәм хатын-кызлар лигасы турниры тәмамланды. Ул Эшче яшьләр спартакиадасы кысаларында узды. Турнирда 10 хатын-кыз һәм 24 ир-ат командасы катнашты.

Бүләкләү тантанасында Шәһәрнең колейбол федерациясе башкарма директоры Сергей Волобуев катнашты.

Кискен көрәш барышында турнир нәтиҗәләре түбәндәгечә бүленде. Ирләр лигасында Россия ГТХМ командасы чемпион һәм күчмә кубокка ия булды, икенче урында - Яр Чаллы ТЭЦ командасы һәм өченче урында - Түбән Кама ГЭСы командасы.

Хатын-кызлар лигасында җиңүчеләр һәм күчмә кубок ияләре – «СОЮЗ-РЕГИОН» ГК ҖЧҖ командасы, икенче урында - «Ремдизель» АҖ командасы һәм призерлар өчлеген «Яр Чаллы бала йорты» дәүләт казна сәламәтлек саклау учреждениесе командасы йомгаклады.

Финал уеннарыннан соң ук турнирны ябу һәм җиңүчеләрне, призерларны медальләр, дипломнар һәм турнирны оештыручылардан, шулай ук партнерлардан кыйммәтле бүләкләр белән бүләкләү булды.

Исегезгә төшерәбез, турнирны оештыручылар - «Заман» яшьләр үзәге МАУ, «Татарстан Республикасы Яр Чаллы шәһәре волейбол федерациясе» җирле иҗтимагый оешма, «Яр Чаллы шәһәре предприятиеләре һәм оешмаларының яшьләр советы» Җирле иҗтимагый оешмасы, «Sundale» пляж клубы, Башкарма комитетның яшьләр эшләре идарәсе ярдәме белән.

Дүшәмбе, 19 июль 2021, 15:54