Дәүләт Думасы өченче, ахыргы укылышта сәнгать өлкәсендә өстәмә һөнәри, урта һөнәри, югары белем бирү программаларын гамәлгә ашыручы мәгариф оешмалары эшчәнлеген җайга салу өлешендә мәгариф турында законга төзәтмәләр кабул итте. Дәүләт Думасы депутаты, Икътисадый сәясәт, сәнәгать, инновацион үсеш һәм эшмәкәрлек комитеты рәисе урынбасары Әлфия Когогина новеллага аңлатма бирде: "Россия президенты Владимир Путин билгеләп үткәнчә, Россиядә мәдәният традицион рәвештә дәүләт дәрәҗәсендә хуплана: «классик музыка, балет, театр сәнгате – безнең гомуммилли байлыгыбыз». Мәдәният өлкәсен үстерүнең әлеге линиясен дәвам итеп, сәнгать мәктәпләренең муниципаль һәм төбәк дәрәҗәсендә статусын үзгәртү, шулай ук иҗади училищеларга сайлап алу принципларына үзгәрешләр кертү турында актуаль һәм гадел инициативаны саныйм. Закон талантлы балаларыбызны һәм яшьләрне профессиональ яктан әзерләү сыйфатын үстерүгә юнәлдерелгән".
Кабул ителгән закон нигезендә балалар сәнгать мәктәпләре әзерлек төрләре буенча бүленәчәк. Бу музыка, хор, сәнгать, хореография, театр, цирк мәктәбе яки сәнгать һөнәрләре мәктәбе булырга мөмкин. Моннан тыш, иң сәләтле претендентларның сәнгать өлкәсендә урта һөнәри белем бирү программалары буенча укырга кабул итү өчен эчке керү сынаулары нәтиҗәләрен дифференциацияләнгән бәяләү кертү күздә тотыла. Мәдәният министрлыгына ведомство буйсынуындагы югары уку йортларына кабул итүнең контроль саннарын билгеләү вәкаләте биреләчәк.
При использовании информации просьба ссылаться на Управление информационной политики и по связям с общественностью.
Чәршәмбе, 10 март 2021, 14:22