Шәһәр хуҗалыгы һәм халыкның тормыш-көнкүрешен тәэмин итү идарәсе 26 апрельдә зиратта Хәтер көнен үткәрмәскә һәм кешеләрнең керүен чикләргә тәкъдим итте. Ел саен бу көнне шәһәр зиратына 30-40 меңгә якын кеше җыела.
"Минемчә, безнең православие мәхәлләләре җитәкчелеге белән фикер алышырга кирәк. Беренче чиратта, аларның фикерен белергә, җыелып, алар белән киңәшләшергә кирәк. Карар да моны исәпкә алып кабул ителәчәк, – диде шәһәр мэры Наил Мәһдиев, коронавирус белән көрәш буенча оператив штаб утырышында. – Бер яктан, без христиан традицияләре барлыгын аңлыйбыз, ата-бабаларын искә алырга теләгән кешеләрне без хөрмәт итәргә тиешбез, ә икенче яктан, бу - кешеләр күпләп җыелган урыннарда үзеңне куркыныч астына кую".
Ахыргы карар турында өстәмә хәбәр ителәчәк.
При использовании информации просьба ссылаться на Управление информационной политики и по связям с общественностью.
Җомга, 10 апрель 2020, 17:04