Дәүләт Думасы тарафыннан өченче, ахыргы укылышта РФ Президенты йөкләмәсен үтәү кысаларында әзерләнгән беренче яки икенче бала туу (уллыкка алу) белән бәйле рәвештә, вакытлыча эшкә яраксызлык буенча пособиеләрне исәпләү һәм айлык түләүләрне гамәлгә ашыру үзенчәлекләре турында закон кабул ителде.
Дәүләт Думасы депутаты, Икътисадый сәясәт, сәнәгать, инновацион үсеш һәм эшмәкәрлек комитеты рәисе урынбасары Әлфия Когогина болай дип шәрехләде: "Закон проекты коронавирус таралуга бәйле шартларда гражданнарның сәламәтлеген һәм социаль тәэмин ителешен саклауга юнәлдерелгән. Вакытлыча эшкә яраксызлык буенча түләүләр агымдагы ел ахырына кадәр аена кимендә бер минималь хезмәт хакы күләмен тәшкил итәчәк. Шулай ук, без кабул иткән инициатива нигезендә, беренче яки икенче бала өчен түләү алучы ата-аналарга, 2020 елның 1 октябренә кадәр әлеге түләүләрне яңа срокка билгеләү турында гариза бирергә һәм төбәк социаль яклау органнарына барырга кирәк булмаячак".
Документ 2020 елның 1 апреленнән 31 декабренә кадәр вакытлыча эшкә яраксызлык буенча пособиеләр күләмен билгеләү үзенчәлекләрен билгели. Әгәр вакытлыча эшкә яраксызлык буенча пособие, күрсәтелгән Федераль закон нигезләмәләрендә исәпләнгән тулы календарь айга федераль закон белән билгеләнгән минималь хезмәт хакы күләменнән түбәнрәк булса, вакытлыча эшкә яраксызлык буенча пособие иминләштерелгән затка минималь хезмәт хакы күләменнән чыгып исәпләнә торган күләмдә түләнә.
Гражданнарның сәламәтлеген саклау һәм Россия Федерациясендә яңа коронавирус инфекциясе (2019-nCoV) таралуга юл куймау максатларында, беренче яки икенче бала туу (уллыкка алу) белән бәйле рәвештә айлык түләүләр алу максатларында гражданнарның региональ хакимият органнарына баруы туктатылачак, ә аларны билгеләү гражданнар тарафыннан гаризалар тапшырмыйча башкарылачак.
При использовании информации просьба ссылаться на Управление информационной политики и по связям с общественностью.
Сишәмбе, 31 март 2020, 15:11