Дәүләт Думасы тарафыннан, кертелгән төзәтмәләрне исәпкә алып, Россиядә даими укучы чит ил студентларына махсус рөхсәт алмыйча, укудан буш вакытта эшләргә рөхсәт бирүче закон проекты икенче укылышта кабул ителде. Дәүләт Думасы депутаты, Икътисадый сәясәт, сәнәгать, инновацион үсеш һәм эшмәкәрлек комитеты рәисе урынбасары Әлфия Когогина проект буенча аңлатма бирде: «Әлеге закон проекты безнең фракция тарафыннан өстенлекле каралырга тиешле закон проектлары исемлегенә кертелде һәм Россиядә чит ил студентларын укудан буш вакытларында гына түгел, ә каникул вакытында да, үзләре укый торган оешмаларда гына түгел, башка җиргә эшкә урнаштыруны да гадиләштерүгә юнәлдерелгән. Мондый студентка махсус рөхсәт рәсмиләштерергә кирәкми, ул легаль рәвештә эшли, үзенең һөнәри күнекмәләрен күтәрә һәм хезмәт хакын ала алачак».
«Россия Федерациясендә чит ил гражданнарының хокукый хәле турында» Федераль законга үзгәрешләр Дәүләт аккредитациясе булган төп һөнәри белем бирү программасы буенча һөнәри белем бирү оешмаларында һәм югары белем бирү мәгариф оешмаларында көндезге формада белем алучы чит ил гражданнары өчен укудан буш вакытта, тиешле рөхсәт алмыйча да эшләү мөмкинлеген күздә тота. Шул ук вакытта югарыда күрсәтелгән затлар тарафыннан төзелгән хезмәт килешүе яки уку тәмамланган очракта эшләр башкаруга (хезмәтләр күрсәтүгә) гражданлык-хокукый килешүе туктатылырга тиеш.
При использовании информации просьба ссылаться на Управление информационной политики и по связям с общественностью.
Сишәмбе, 21 гыйнвар 2020, 16:00