Яр Чаллыда Бөек Ватан сугышы ветеранына 90 яшь тулды

Автозавод районында яшәүче Бөек Ватан сугышы ветераны, тыл хезмәтчәне Лидия Александровна Цуркан 90 яшьлек юбилеен билгеләп үтте. Юбиляр ТАССРның Тукай районы Орловка авылында биш бала тәрбияләнгән крестьян гаиләсендә туа. 1945 елда Орловка мәктәбен тәмамлый. Сугыш вакытында туган авылы колхозында авыл хуҗалыгы уңышын әзерләү буенча, шулай ук Тогай урманында фронт ихтыяҗлары өчен агач кисүдә һәм эретүдә эшләгән. 1954 елда кияүгә чыга. Ире белән ике бала тәрбияләп үстерәләр. Хәзер ветеранны оныгы һәм ике оныкчыгы сөендерә.

Лидия Александровна 1955 елга кадәр «Родина» колхозында баш хисапчы булып эшли. 1955 елдан-Чаллының 8 нче Авыл хуҗалыгы училищесында баш хисапчы була. 1961 елдан башлап лаеклы ялга чыкканчы, 25 ел Тукай район үзәк хастахәнәсендә өлкән экономист булып эшли. Лидия Александровна күп санлы мактау грамоталары, район җитәкчелегенең Рәхмәт хатлары, «Хезмәт ветераны», «1941-1945 еллардагы Бөек Ватан сугышында фидакарь хезмәт өчен» медальләре һәм юбилей медальләре белән бүләкләнгән.

Юбиляр Россия Федерациясе президенты Владимир Путин һәм шәһәр мэры Наил Мәһдиев исеменнән котлаулар кабул итте. Котлауларга Автозавод районының Ветераннар советы рәисе Любовь Ходаковская һәм Автозавод районының территориаль иҗтимагый үзидарәләр үсешенә ярдәм итү Ассоциациясе рәисе Венера Наумкина да кушылды.