Наил Мәһдиев WorldSkills Russia 2019 чемпионаты җиңүчеләре һәм призерлары белән очрашты

Яр Чаллы шәһәре мэры Наил Мәһдиев WorldSkills Russia 2019 чемпионаты призерлары белән очрашты. Очрашу Поташов исемендәге техник көллияттә узды.  Чарада «КАМАЗ» ААҖ генераль директорының беренче урынбасары Юрий Герасимов катнашты. Кунаклар өчен экскурсияне көллият директоры Эльмира ӘХМӘТОВА үткәрде. Учреждениене карау барышында алар заманча лабораторияләрне карадылар.

«Хөрмәтле безнең чемпионнар, илебез өчен мөһим вакыйгаларда катнашучылар, остазлар. Без КАМАЗ җитәкчелеге белән бергә тагын бер тапкыр сез башкарган зур хезмәтегез өчен рәхмәт сүзләрен җиткерүне үз бурычыбыз дип санадык. Сез җиңүгә чын ихтыяр көчегезне күрсәттегез, аның ярдәмендә безнең ил ярышларда югары позицияләрне яулый алды. Дөньяның 63 иленнән 1300 конкурсант WorldSkills Russia 2019 эшче һөнәрләр чемпионатында катнашты. Җиңүчеләр арасында Яр Чаллы шәһәре студентлары да бар. Уңыш тарихы 50 ел элек әби-бабаларыгыз, ата-аналарыгыз шәһәр һәм завод төзелешенә килүендә чагыла дип уйлыйм», - диде Наил Мәһдиев.

Шунысын да билгеләп үтәргә кирәк, В.Д. Поташев ис. техник көллият студенты Айдар Минеев WorldSkills Kazan 2019 эшче һөнәрләр дөнья чемпионатында җиңүче булды. Чаллы егете «Прототиплар ясау» компетенциясендә җиңү яулады. Бүген ул үзенең җиңүгә юлы турында сөйләде. Төрле ярышларда Айдар Минеев 15 яшендә катнаша башлады һәм Татарстан Республикасының милли җыелма командасы составына эләгергә хыялланды. WorldSkills чемпионатына әзерлек ел дәвамында барды. 

45 нче эшче һөнәрләр чемпионатында һөнәри осталыклары өчен. В.Д. Поташов исемендәге техник көллиятнең тагын ике студенты бүләкләнде. «Авыр техникага хезмәт күрсәтү» компетенциясендә профессионализмы өчен Данил Пронин, «CAD инженерлык дизайны» компетенциясендә Станислав Джуманязов медаль алды. Педагогия көллияте студенты Ярослав Великанов «График дизайн» компетенциясендә медальгә ия булды.

Татарстан Республикасы җыелма командасы барлыгы 55 алтын, 47 көмеш, 39 бронза медаль яулады һәм 25 медаль алды.