Көндезге бүлек

2021 елдан «Демография» милли проекты кысаларында Татарстан Республикасы Хезмәт, халыкны эш белән тәэмин итү һәм социаль яклау министрлыгының Яр Чаллы шәһәре шәһәр округында «Ышаныч» халыкка комплекслы социаль хезмәт күрсәтү  үзәге» дәүләт автономияле социаль хезмәт күрсәтү учреждениесендә интеллекты, аутистик спектры бозылган, социаль хезмәт күрсәтүгә мохтаҗ дип танылган 18 яшьтән 40 яшькә кадәрге кешеләр өчен көндезге бүлек үз эшчәнлеген башлап җибәрде. Аның эшчәнлеге психик һәм физик сәламәтлекне ныгытуга, социаль изоляцияне профилактикалауга, сәламәт яшәү рәвешен пропагандалауга, шулай ук актив тормыш позициясе формалаштыруга һәм социаль хезмәтләрдән файдаланучыларның иҗади потенциалын үстерүгә юнәлдерелгән.

Көндезге бүлек инвалидларга ярдәм күрсәтү, мохтаҗларны кайгырту, аларга аралашуның кискен дефицитын җиңәргә булышу, аларның көндәлек тормышларын эчтәлекле шөгыль белән баету, тормыш һәм актив эшчәнлек алып бару мөмкинлеген арттыру өчен булдырылган.

Көндезге бүлек белгечләре эшчәнлегенең төп үзенчәлеге булып нигездә шәхси эш һәм кече төркемнәрдә эшләү тора, бу алар тарафыннан һәркемгә җитәрлек игътибар бирү мөмкинлеген арттыра.

Көндезге бүлектә социаль хезмәттән файдаланучылар белән эшләүне оештыру барышында белгечләр төрле нәтиҗәле, традицион, инновацион методикалар да кулланалар. Эш төрле формаларда оештырыла:

- иҗади остаханәдә һәркем үз эшен булдыру өчен төрле гамәли техникаларда көчен сынап карый;

- сәламәтләндерү дәресләрендә организмны актив формада тоту техникасы белән танышу бара;

- психолог белән төркемле эш вакытында аралашу күнекмәләрен һәм төркем белән аралашу күнекмәләрен формалаштыру бара.

Көндезге бүлеккә керү өчен, социаль хезмәт күрсәтүгә мохтаҗ дип тану турында гариза белән мөрәҗәгать итәргә һәм Яр Чаллы шәһәре буенча ТР социаль яклау идарәсенә түбәндәге документлар исемлеген бирергә кирәк (ТР Хезмәт, халыкны эш белән тәэмин итү һәм социаль яклау министрлыгының 31.08.2018 ел, 825 номерлы Приказы):

- законлы вәкилнең шәхесен, статусын һәм вәкаләтләрен раслаучы документлар (мөрәҗәгать итүче вәкиле гариза биргән очракта, билгеләнгән тәртиптә юридик хокуксыз дип танылган гражданнарга бирелә);

- инвалидны реабилитацияләү һәм реабилитацияләүнең индивидуаль программасы.

Көндезге бүлектә социаль хезмәтләр Яр Чаллы шәһәре, М.Җәлил проспекты, 48 нче йорт адресы буенча күрсәтелә.

Социаль хезмәтләрдән файдаланучы кеше әлеге көндезге бүлектә 4 сәгатькә кадәр була ала.

Барлык кызыксындырган сораулар белән Сез Татарстан Республикасы, Яр Чаллы шәһәре, Грин урамы, 9 йорт адресы буенча «Ышаныч» халыкка комплекслы социаль хезмәт күрсәтү үзәге» дәүләт автономияле учреждениесенең гаиләгә һәм балаларга социаль ярдәм бүлегенә яки 8(8552)70-66-43 телефоны буенча мөрәҗәгать итә аласыз.