Башкарма комитет җитәкчесенең беренче урынбасары Илья Зуев бүген Шәһәр Советының шәһәр төзелеше, шәһәр инфраструктурасын һәм торак-коммуналь хуҗалыгын үстерү мәсьәләләре буенча Даими комиссиясе утырышында хәбәр иткәнчә, магистраль проспектларда һәм шәһәр урамнарында, бульварларда, юлларда, мәйданнарда 5 539 яктырткыч урнаштырылачак һәм алыштырылачак. Бу максатларга шәһәр бюджетыннан 75 млн сум акча бүлеп бирелгән. Эшләр тәмамланды диярлек.
"Агымдагы елда шәһәр бюджетыннан тышкы яктырту челтәрләрен карап тотуга 24 млн сум һәм тышкы яктырту челтәрләрен ремонтлауга 10 млн сум акча бүлеп бирелде" , - дип хәбәр итте Илья Зуев. Бу акчаларга һава линиясен чистартудан алып, плафоннарны алыштыруга кадәр зур күләмдә эш башкарыла. Киләсе елда бу юнәлештә эш дәвам итәчәк.
«Безнең ишегалды» программасын тормышка ашыру барышында элек ул булмаган урыннарда, аерым алганда, балалар бакчаларында һәм мәктәпләрдә яңа яктырту барлыкка килә. Яктырту программасы буенча карамаган очракта да, мәктәп укучыларына һәм мәктәпкәчә яшьтәге балалары өчен яктылык кую ихтяҗы туса, яшәү урыны буенча район администрациясенә гариза белән мөрәҗәгать итәргә кирәк.
При использовании информации просьба ссылаться на Управление информационной политики и по связям с общественностью.
