Шәһәр мэры Наил Мәһдиев Яр Чаллы дәүләт педагогика университетына максатчан белем алуга килгән 1 нче курс студентлары белән очрашты.
1 сентябрьдә Чаллыда 70 мең укучы линейкага киләчәк. Бу сан елдан-ел арта. Шуңа күрә булачак укытучылар өчен уңайлы шартлар тудырып, мәгариф өлкәсен үстерү мөһим, дип саный Наил Мәһдиев.
Наил Мәһдиев инициативасы белән бу уку елында беренче тапкыр студентлар шәһәр бюджеты хисабына белем алачак төркем булдырылды. Әлеге төркемдә «башлангыч сыйныфларда укыту» юнәлеше буенча индустриаль-педагогика көллиятенә 24 кеше укырга керде. Моннан тыш, максатчан юнәлеш буенча югары уку йортына 52 студент керде, аларның укулары республика һәм федераль бюджетлардан финансланачак.
При использовании информации просьба ссылаться на Управление информационной политики и по связям с общественностью.
Сишәмбе, 23 август 2022, 14:56