Татарстан Республикасы Гидрометеорология һәм әйләнә-тирә мохитне күзәтү идарәсе мәгълүматлары буенча, 27 июньдә 14 сәгатьтән 22 сәгатькә кадәр Татарстан Республикасы территориясендә урыны белән секундына 25-27 метрга кадәр көчле җил, яшен, көчле яңгыр, боз явуы көтелә.
Татарстан Республикасы территориясендә фаразланучы метеорологик күренешләрне исәпкә алып, түбәндәге хәвеф-хәтәрләр килеп чыгу мөмкинлеге арта: энергетика комплексы һәм ТКХ объектларында аварияләр; аз ныгытылган, киң форматлы, төзелеш һәм реклама конструкцияләре җимерелүе, иске агачларның авуы; төзелеш мәйданчыкларында краннарның авуы; яшен саклау белән тәэмин ителмәгән объектларның, шул исәптән биналарның һәм кешеләрнең атмосфера электры разряды (яшен) сугуы; юл-транспорт һәлакәтләре; транспорт инфраструктурасы объектларының, түбән участокларның һәм урам-юл челтәренең су басу куркынычы. Шулай ук елга һәм авиация транспортында гадәттән тыш хәлләр (һәлакәтләр) ихтималы да арта, һава шартлары республика территориясендә аэропортлар эшен шактый чикли ала.
27 июньдә Яр Чаллыда алмашынучан болытлы һава көтелә. Төнлә кыска вакытлы яңгырлар, урыны белән көчле яңгыр, яшен, урыны белән боз явуы ихтимал. Көндез явым-төшемсез. Җил төньяктан 9-14 м/с, 27 июнь кичендә урыны белән 25-27 м/с тизлектә. Төнлә минималь һава температурасы +8..+11˚. Көндез максималь һава температурасы +14..+17˚.При использовании информации просьба ссылаться на Управление информационной политики и по связям с общественностью.
Дүшәмбе, 27 июнь 2022, 11:57