Яр Чаллыда эшсезлек дәрәҗәсе 0,42% тәшкил итә. Татарстан Республикасы буенча бу күрсәткеч 0,52% тәшкил итә. Бу хакта аппарат киңәшмәсендә "Рәсәй эше" кадрлар үзәге җитәкчесе Татьяна Быданова хәбәр итте.
Ел башыннан кадрлар үзәгенә эш эзләү максаты белән 3 900 граждан мөрәҗәгать иткән. Бүгенге көндә эшсезләр сыйфатында 1 200 кеше исәптә тора. Бүген кадрлар үзәгенең мәгълүматлар банкында 5 313 вакансия бар. Шәһәрнең 1 781 предприятиесе «Россиядә эш» порталында теркәлгән. Ел башыннан бирле 2 487 кеше эшкә урнаштырылган.
«Ел башыннан эшсезлек буенча пособиегә 38 млн 400 мең сум тотылган», – дип аңлатты Татьяна Быданова.
При использовании информации просьба ссылаться на Управление информационной политики и по связям с общественностью.
Сишәмбе, 14 июнь 2022, 09:04