Чаллылыларны сәнгать эшләре күргәзмәсенә чакыралар

Чаллылылар һәм шәһәр кунаклары «КАМАЗ» мәдәният сараена чакырыла, анда 1 нче балалар сәнгать мәктәбе укытучылары һәм укучыларының «Хыял артыннан ияреп» дип исемләнгән сәнгать эшләре күргәзмәсен ачу тантанасы узды.

Экспозициядә сәнгать мәктәбе укытучылары – Елена Каширская һәм Софья Ульченко, шулай ук укучылары Ксения Бирюкова, Анастасия Федотова, Мария Певгова, Мария Илюшкина, Фәридә Исламова, Алия Гыйльфанова, Анастасия Иванова, Алена Пилецкаяның эшләре тәкъдим ителгән.

Сәламләү сүзе белән 1 нче балалар сәнгать мәктәбе директоры Альбина Шәйхулова чыгыш ясады. «КАМАЗ» мәдәният сарае артисткасы Елизавета Крылова кунакларны иҗади чыгышлары белән сөендерде.

Күргәзмәгә килүчеләр төрле техникада эшләнелгән 30 картинаны күрә алачак.

Авторларның эшләре белән май ахырына кадәр танышырга мөмкин. Керү ирекле.