21 май көнне Җиңү паркында «Уяв» чуаш халык-йола бәйрәме узачак. Бәйрәмне чуваш милли-мәдәни автономиясе һәм «Чекес» чуаш халык ансамбле көче белән мәдәният идарәсе һәм «Чишмә» халыклар дуслыгы йорты ярдәмендә оештыралар. Чара 18:00 сәгатьтә башлана.
Уяв кыр эшләре тәмамланганнан соң, яз-җәй айларында әйлән-бәйлән һәм уеннар рәвешендә үткәрелә. Аның нигезендә табигать көчләренә мул уңыш, яңгыр сорап мөрәҗәгать итү ята. Бәйрәм билгеле бер йолалар, әйлән-бәйлән, күңел ачулар белән үрелеп бара. Әйлән-бәйлән җырларында табигать көчләренә рәхмәт сүзләре әйтелә.
Бәйрәм «Чекес» чуаш халык ансамбле һәм «Путене» чуаш мәдәниятен яратучы балалар клубы катнашында прологтан башлана.Чарада катнашучылар тамашачылар белән бергә зур әйлән-бәйлән үткәрәчәкләр. Әйлән-бәйлән җырлары уеннар, дәртле чуаш биюләре һәм концерт чыгышлары белән үрелеп барачак. .
При использовании информации просьба ссылаться на Управление информационной политики и по связям с общественностью.
Пәнҗешәмбе, 19 май 2022, 11:48