Чаллы укучылары Сочида «Сириус» белем бирү үзәгендә белем ала

Беренчел сайлап алу турын узучы Балалар сәнгать мәктәбенең хореография бүлегенең 3-4 сыйныф укучылары Сочида «Сириус» белем бирү үзәгендә белем ала.

Укытучы Наталья Маганова, концертмейстер Елена Тюрина һәм үзәк хезмәткәрләре җитәкчелегендә укучылар хореография дисциплиналарын өйрәнәләр, шулай ук яшь буенча гомуми белем бирү программаларының тулы курсын узалар. "Хореография: классик бию (балет)" программасы үз эченә бию һәм актерлык осталыгы буенча мастер-классларны, репетицияләрне һәм концерт сәхнәсе практикасын, гомуми белем бирү мәктәбендәге дәресләрне, сәламәтләндерү һәм ял чараларын ала.

Исегезгә төшерәбез, «Сириус» белем бирү үзәге Россия Федерациясе Президенты В.В. Путин инициативасы буенча олимпия инфраструктурасы базасында «Талант һәм уңыш» мәгариф фонды тарафыннан оештырылды. Фонд 2014 елның 24 декабрендә Россиянең күренекле фән, спорт һәм сәнгать эшлеклеләре тарафыннан гамәлгә куелган.

Үзәк үз эшчәнлеген Фонд Уставы һәм Россия Федерациясе Мәгариф һәм фән министрлыгы, Россия Федерациясе Спорт министрлыгы һәм Россия Федерациясе Мәдәният министрлыгы ярдәме белән мәгариф эшчәнлеген гамәлгә ашыру лицензиясе нигезендә алып бара.

«Сириус» белем бирү үзәге эшенең максаты – сәнгать, спорт, табигый-фәнни дисциплиналар, шулай ук техник иҗатта уңышка ирешкән сәләтле балаларны алдан ачыклау, үстерү һәм алга таба һөнәри яктан ярдәм итү.