Яр Чаллыда Әниләр көненә багышланган бәйрәм концертлары уза

 16 нчы «Огниво» балалар иҗаты үзәгендә Әниләр көненә багышланган бәйрәм концерты булды. "Әниләр көне иң якын һәм кадерле кешеләребезгә  – безнең әниләргә багышланган иң җылы бәйрәмнәрнең берсе. Бу көнне Әфганстанда һәм Төньяк Кавказ төбәкләрендә сугыш хәрәкәтләрендә һәлак булган хәрби хезмәткәрләрнең әниләренә, «Ана даны-Материнская слава» медале белән бүләкләнгән аналарга, биш һәм аннан да күбрәк бала тәрбияләүче күп балалы аналарга, ятим һәм ата-ана назыннан мәхрүм калган балаларга әни булучы хатын-кызларга аерым рәхмәт белдерәм. Тынгысыз хезмәтегез, бетмәс-төкәнмәс сабырлыгыгыз, күңел юмартлыгыгыз өчен сезнең алда баш иям", –  диде ул. Әмма иң дулкынландыргыч бүләкләрнең берсе, «Огниво» балалар иҗат үзәгендә шөгыльләнүче балаларның иҗади номерлары булды.

Шулай ук А.С. Пушкин исемендәге 78 нче лицейда Әниләр көненә багышланган бәйрәм концерты оештырылды. Чарага 100дән артык хатын-кыз чакырылган иде. Бу - Татарстан Республикасының "Ана даны-Материнская слава" медале, локаль конфликтларда һәлак булган хәрби хезмәткәрләрнең әниләре, «Өченче буын»дагы күп балалы әниләр, балалары концерт-конкурс һәм спорт эшчәнлегендә югары нәтиҗәләр күрсәткән әниләр. Алар өчен "Кызыл Тау" мәдәният үзәге бик бай концерт программасы әзерләгән: сәхнәдән татар һәм рус телләрендә җырлар һәм бию номерлары яңгырады.

"Нур" яшьләр үзәгендә Үзәк районы ветераннар советы өчен Әниләр көненә багышланган бәйрәм концерты узды. Иҗади номерлар белән брейк-данс New City Crew студиясендә һәм "Алинә Хәйруллинаның ком анимациясе мәктәбе"ндә  шөгыльләнүчеләр чыгыш ясады. Кунакларны үзәк директоры Полина Трянина котлады.