Чаллының Боз сарае мәйданчыгында эшләүче халыкара индивидуаль хоккей лагерена беренче тапкыр балалар белән шөгыльләнү өчен Төньяк Америкадан белгеч — канадалы Люк Пуарас чакыртылган.
Бу хакта «Чаллы» хоккей клубы матбугат хезмәте хәбәр итә.
«Безне Канададан ук килгән тренер балалар белән ничек шөгыльләнүе кызыксындыра. Соңгы араларда узган барлык зур турнирларда канадалылар җиңеп килә. Без балаларны төньяк америка стиле белән таныштырырга телибез һәм үзебез дә канадалылар балаларны нәрсәгә өйрәтә, алар белән ничек аралашуын күрәсебез килә», — ди хоккей лагереның җитәкчесе Антон Крюков.
Лагерьда словак һәм җирле Чаллы тренерлары эшли.
maydan.tatarПри использовании информации просьба ссылаться на Управление информационной политики и по связям с общественностью.
Пәнҗешәмбе, 14 июнь 2018, 16:17