2017 елның 11 аенда шәһәрдә гражданлык хәле актларын дәүләт теркәве турында хисап

2017 елның 11 аенда ЗАГС идарәсе муниципаль казна учреждениесендә 17610 гражданлык хәле акты теркәлде. 2016 елның шул чоры белән чагыштырганда актларның гомуми саны 936га (5,0%) кимегән. Чагыштыру мәгълүматлары 1 нче таблицада күрсәтелгән.

1 нче таблица

Тууларны теркәү

2017 елның 11 аенда Яр Чаллы шәһәре ЗАГС идарәсе муниципаль казна учреждениесендә 6748 бала туу акты теркәлде, бу – узган елның шул чоры күрсәткеченнән 1016 актка кимрәк. Кимү 13,1 % ны тәшкил итте.

2017 елның 11 аенда теркәлгән барлык балаларның 407се (6,0 %) тулы булмаган гаиләләрдә туган.

2017 елның 11 аенда теркәлгән барлык балаларның 2722се (40,3%) – гаиләдә беренче, 2973е (44,1%) – икенче, 844е – өченче, 191е (2,8%) – дүртенче һәм аннан да күбрәк бала.

2017 елның 11 аенда 85 пар игезәк бала туган, бу – 2016 елның шул чорыннан 5 парга артык.

Никахлашуны теркәү

2017 елның 11 аенда Яр Чаллы шәһәрендә 3534 пар язылышты, бу – 2016 елның шул чоры белән чагыштырганда 130 парга артык. Арту 3,8 % ны тәшкил итте.

2017 елның 11 аенда 841 пар милләтара никах теркәлде, бу – 2016 елның шул чоры белән чагыштырганда 4,3 % ка ким.

2017 елның 11 аенда чит ил гражданнары белән никахлар саны – 110 пар, бу – 2016 елның шул чоры күрсәткеченнән 10 парга ким.

Никах таркалуны теркәү

2017 елның 11 аенда никах таркалу турында 2012 акт теркәлде. Бу узган елның шул чорындагы күрсәткечкә тәңгәл килә.

Үлемнәрне теркәү

2017 елның 11 аенда үлемнәр турында 4121 акт теркәлде, бу – 2016 елның шул чоры белән чагыштырганда 93 актка (2,3%) артык.

Бу чорда халыкның табигый үсеше 2627кешене тәшкил итте.

Ата булуны билгеләүне теркәү

  2017 елның 11 аенда ирләрнең, баланың анасы белән килешеп, үзләрен ата итеп тануларын билгеләү турында 889 акт язылган (бу – 2016 елның шул чорыннан 158 очракка ким).

Уллыкка (кызлыкка) бала алуны теркәү

  2017 елның 11 аенда уллыкка (кызлыкка) бала алу турында 68 акт төзелгән. Бу – 2016 елның шул чорыннан 33 (94,3 %) актка артык.

Исем алмаштыруны теркәү

  2017 елның 11 аенда фамилиясен, исемен яки атасының исемен алмаштыру мәсьәләләре буенча гражданнардан кергән мөрәҗәгатьләр саны 238не тәшкил итте. Чагыштыру мәгълүматлары таблицада күрсәтелгән.