Шәһәр Советы

Яр Чаллы шәһәре муниципаль берәмлегенең Шәһәр Советы  Яр Чаллы шәһәре муниципаль берәмлегенең вәкиллекле органы булып тора.

Шәһәр Советына 45 депутат керә, алар муниципаль сайлауларда биш елга сайлана.
22 Шәһәр Советы депутаты бермандатлы сайлау округлары буенча (бер округтан – бер депутат) сайлана. Бермандатлы  сайлау округы сайлаучыларның уртача нормасы нигезендә төзелә.  23 Шәһәр Советы депутаты закон нигезендә сайлауларда катнашу хокукына ия сәяси партия тарафыннан күрсәтелгән кандидатларның исемлекләре яки аның төбәк бүлеге яисә башка структур бүлекчәсе тарафыннан бердәм сайлау округы буенча сайлана. Бердәм сайлау округына муниципаль берәмлек территориясе керә.

Шәһәр Советын даими нигездә шәһәр Хакиме җитәкли,  ул Шәһәр Советы утырышларында рәислек итә.