Яшь чаллылылар Пушкинга багышланган чараларны әзерләүдә катнаштылар

6 июньдә, «Россиядә Пушкин көне» кысаларында, бөтен ил буенча бөек шагыйрьнең 220 еллыгы уңаеннан төрле чаралар уза. "Доверие" халыкка социаль хезмәт күрсәтү үзәгенең гаиләгә һәм балаларга социаль ярдәм күрсәтү бүлегендә дә А.С. Пушкинга багышланган тантаналарга әзерләнүгә актив кушылдылар.

Балигъ булмаганнарны дөнья әдәбияты классигының иҗади мирасына җәлеп итү, аның әсәрләренә сакчыл мөнәсәбәт тәрбияләү максатыннан рәсем сәнгате аша яшь социаль хезмәт алучылар "Александр Сергеевич Пушкин геройлары дөньясында" дигән рәсем конкурсында катнаштылар.

16 кечкенә рәссамнең 18 эше тәкъдим ителде,алар танылган әкиятләргә карата күзаллауларын чагылдырдылар. Әлеге эшләрнең күргәзмәсе оештырылды, аның белән барлык учреждениегә килүчеләр таныша ала. Шәһәрнең Үзәк балалар китапханәсендә иҗади ярышларда катнашучыларны һәм җиңүчеләрне бүләкләү булды. Йомгаклау чарасында балалар һәм аларның әти-әниләре мавыктыргыч викторина сорауларына җавап бирделәр, китапханә хезмәткәрләре әзерләгән тематик презентация карадылар. Шулай ук А.С. Пушкин әкиятләре буенча әдәби уенда актив катнаштылар, әкиятләрдән өзекләр искә төшерделәр, рәсемнәр буенча әкият сөйләделәр, әдәби геройларны белделәр.