Шәһәр территориясеннән 185 тонна тәгәрмәч чыгарылды

Санитар-экологик икеайлык кысаларында 21 майда районнар хакимиятләре территориясендә шәһәр территориясен санитар чистарту һәм төзекләндерү буенча өмә үткәрелде, 169 кеше катнашты.

Үзәк районы территориясендә территорияләрне чүп-чардан чистарту, газоннарны тырмалау, агач һәм куакларны санитар кисү үткәрелде.

Каенлык һәм 37/22, 37/21, 37/09 һәм "МЕТРО" сәүдә үзәге арасындагы территориядә 30 нчы мәктәп укучылары үсемлек калдыкларыннан чистарту һәм газоннарны тырмалау эшләрен башкардылар. Барлыгы 20 кеше катнашты. 13 капчык үсемлек калдыклары җыелды.

31 нче мәктәп укучылары Г.Тукай исемендәге сквер территориясен чүп-чардан, үсемлек калдыкларыннан чистарту, тырмалау эшләрен башкардылар. Барлыгы 20 кеше катнашты. 8 капчык чүп-чар җыелды.

 4 нче балалар экология-биология үзәге хезмәткәрләре Ф. Табиев исемендәге Яр буен чүп-чардан җыештырдылар. Барлыгы 15 кеше катнашты. 5 капчык чүп-чар җыелды.

17, 22, 30, 38, 45, 31 нче мәктәпләр өмәдә ктив катнаштылар.  Учреждениеләр тарафыннан территориядә чүп-чар җыештыру, агач кәүсәләрен агарту, агач һәм куакларны санитар кисү, күпьеллык үләннәрне күчереп утырту, клумбаларны казу, янәшәдәге территорияне коры яфрактан чистарту, куакларны кисү, тырмалау оештырылды.

Автозавод районы территориясендә йорт яны территорияләрен, паркларны һәм скверларны, җәмәгать киңлекләрен (бульвар һәм буш урыннар) чүп-чардан чистарттылар, агачлар агарттылар, чүп-чар һәм үсемлек калдыкларын чыгардылар, чәчәк үсентеләре утырттылар, коймаларны, эскәмияләрне һәм чүп-чарларны, балалар мәйданчыкларын ремонтладылар.

«Россия суы» акциясе кысаларында Автозавод районы хакимияте, территориаль иҗтимагый үзидарә хезмәткәрләре һәм 43 нче урта мәктәп укучылары Яр буе паркы территориясен җыештырдылар. Барлыгы 30 кеше катнашты. 18 капчык көнкүреш калдыклары җыелды һәм чыгарылды.

Комсомол районы территориясендә территорияләрне чүп-чардан чистарттылар, газоннарны тырмаладылар, агач һәм куакларны санитар кисү эшләре башкарылды.

"Гарант - Инвест" ҖЧҖ хезмәткәрләре ГЭС поселогының 2/4 торак йорты территориясендә 5 чыршы утырттылар. Барлыгы 5 кеше катнашты.

"Магнит" кибете һәм "Жилэнергосервис" ҖЧҖ хезмәткәрләре якын-тирә территорияләрендә чәчәк һәм куаклар утырттылар. Барлыгы 9 кеше катнашты.

«Жилкомсервис» ПКФ ҖЧҖ хезмәт күрсәтә торган территориядән 600 данәдән артык тәгәрмәч чыгарылды.

Санитар-экологик икеайлык чорында шәһәр территориясеннән барлыгы 185 тонна (10 423 шт) тәгәрмәч чыгарылган.

Эшләр дәвам итәчәк.

Шәһәр территориясендә санитар – экологик икеайлык башыннан бирле «Шәһәрне яшелләндерү хуҗалыгы» ААҖ хезмәткәрләре 26, 827 мең кв.м чәчәк түтәлләре ясаганнар.

Санитар-экологик икеайлык чорында барлыгы 10 093,6 га территорияне чүп-чардан чистарттылар, 29 478 кеше җәлеп ителде, 4 147 агач һәм куак үсентесе утыртылды.