Мәшгульлек үзәге 23 предприятие катнашында «Камазжилбыт» кунакханәсендә һәм «Жемчужина» шифаханәсендә вакансияләр ярминкәсе үткәрде. «Без алдан мәҗбүри күченүчеләрнең белгечлекләрен белешеп, яшәү яки торак чыгымнарын компенсацияләү белән эшкә урнашу тәкъдимнәренә өстенлек биреп, эш бирүчеләрне чакырдык», - дип хәбәр итте кадрлар үзәге директоры Татьяна Быданова.
Ул билгеләп үткәнчә, 109 кеше эшкә юллама алган.
«Тагын бер-ике көн кирәк, әлегә кешеләр эшләрен сайлаячак һәм ахыргы карар кабул итәчәк. Күпләр берничә юнәлеш буенча юллама алган. Аларга кадрлар хезмәтләре белән сөйләшергә кирәк. Без вакансияләр ярминкәләрен дәвам итәчәкбез, әмма алар мондый масштаблы булмыячак. Ярминкәләрне барлык теләүчеләр эшкә урнашканчы уздырачакбыз», - дип өстәде Татьяна Быданова.
Шәһәр мэры Наил Мәһдиев шәһәрдә вакансияләр җитәрлек дип билгеләп үтте. «Яр Чаллыда эшкә урнашу өчен яхшы мөмкинлекләр бар, шул исәптән Мариуполь халкы өчен дә. Кадрлар үзәгендә биш меңнән артык вакансия бар. Эшләргә теләгән кеше эшләячәк», - диде ул.
При использовании информации просьба ссылаться на Управление информационной политики и по связям с общественностью.
Дүшәмбе, 11 апрель 2022, 09:45