Яр Чаллының Җиңү паркында асфальтка рәсем ясау конкурсы узды

Җиңү паркында «Җир планетасы безнең кулларда» дип исемләнгән асфальтка рәсем ясау конкурсы узды. Быел конкурс халыкара климатны саклау көненә багышланган иде. Чараны «4 нче балалар экология-биология үзәге» һәм «Түбән Кама» милли паркы оештырды. 

Конкурста шәһәрнең 27 белем бирү оешмасыннан командалар катнашты №№:1, 3, 6, 8, 9, 11, 13, 15, 18, 26, 35, 37, 38, 39, 41, 45, 50, 51, 53, 55, 56, 57, 58, 67, 69, 88, «Калкан» кадет мәктәбе, «Ышаныч» халыкка комлекслы социаль хезмәт күрсәтү үзәге.

1 урынны 35 нче мәктәп яулады, икенче урында – 6 нчы, 37 нче мәктәпләр һәм Сәламәтлек мөмкинлекләре чикләнгән балалар өчен 88 нче башлангыч мәктәбе, өченче урында – №9, №15, №56, №58 мәктәпләр.

Барлык командаларга да мәгариф идарәсеннән дипломнар һәм «Түбән Кама» милли паркыннан истәлекле бүләкләр тапшырылды.