Сишәмбе, 8 июль 2025 / рус тат / версия для слабовидящих
Мы в социальных сетях

«Наше время – Безнең заман» эшче яшьләрнең X ачык республика телевизион иҗат фестиваленә гаризалар кабул итү башланды.

Фестиваль Татарстан Республикасы предприятиеләрендә һәм оешмаларында эшләүче яшьләрнең иҗади потенциалын ачу максатыннан үткәрелә.

Оештыручылар – ТР Президенты ярдәме белән һәм ЮНЕСКО эшләре буенча РФ Комиссиясе эгидасы астында ТР сәнәгать һәм сәүдә министрлыгы һәм ТР Яшьләр эшләре министрлыгы. Проектның авторы – «Созвездие-Йолдызлык» ТР Төбәк яшьләр иҗтимагый оешмасы.

Проектның яңа сезоны 1 марттан старт ала һәм 2022 елның 7 ноябренә кадәр дәвам итәчәк. Фестивальнең юбилей сезонында 18 яшьтән алып 35 яшькә кадәрге предприятиеләрдә, учреждениеләрдә һәм оешмаларда эшләүче профессионал булмаган башкаручы яшьләр катнаша ала.

Гариза кампаниясе 1 марттан 15 сентябрьгә кадәр узачак. Катнашу өчен гаризаны соло башкаручылар да, коллективлар да бирә ала: «Музыкаль юнәлеш», «Бию юнәлеше», «Дан минуты», «Предприятиенең визитка-презентациясе».

Зональ турлар Әлмәттә (30 сентябрь - 1 октябрь), Түбән Камада (7-8 октябрь), Казанда (14-15 октябрь) һәм Яшел Үзәндә (21-22 октябрь) узачак. Сайлап алу турларында җиңүчеләр суперфиналда Казанда Идел буе дәүләт физик культура, спорт һәм туризм академиясе сәхнәсендә (4-5 ноябрь) очрашачак.

Гадәттәгечә Гала-концерт «Пирамида» мәдәни-күңел ачу комплексында (7 ноябрь) узачак. Нәкъ менә биредә Гран-прига ия булган җиңүче команда, шулай ук «Безнең заман геройлары» махсус призына ия булган команда номинацияләнә.

Моннан тыш, быел, төп номинацияләрдән тыш, яңа категорияләр кертелә: «Зирәклек һәм агарту», анда учреждениеләрнең генераль директорлары һәм район башлыклары фестиваль хәрәкәтен үстерүгә өлеш керткән, хезмәт кешесенә мәхәббәт һәм ярдәм күрсәткән өчен бүләкләнәчәк, шулай ук иң яхшы видеоклип өчен «Чәчәк ат минем Татарстаным» номинациясе каралган.

Пәнҗешәмбе, 14 апрель 2022, 15:53