Яр Чаллыда эшләүче яшьләр арасында лазертаг буенча турнир узды

«Бастион» тактик уеннар полигоны территориясендә XIX Спартакиада кысаларында эшләүче яшьләр арасында лазертаг буенча турнир узды.

Турнирда 5 кешедән торган шәһәр предприятиеләре һәм оешмаларының 15 командасы катнашты: «Ремдизель» АҖ - 2 команда, «ЖилЭнергоСервис» ҖЧҖ, «Домкор Индустрия» ҖЧҖ, Түбән Кама ГЭСы, «Риат» ААҖ, «Эскперт +» ҖЧҖ, «Идел буе экологик компаниясе» ҖЧҖ, «Челны-Бройлер» ҖЧҖ, Чаллы ТЭЦы, «Хайер Фридж Рус» ҖЧҖ, Фәнни-техник үзәк, двигательләр заводы, ремонт-инструменталь завод, «КАМАЗ» ҖАҖ җыелма командасы. Команда составында хатын-кызлар катнашуы мәҗбүри таләп булды.

Командалар 5 команда буенча 3 төркемгә бүленделәр. Һәр төркем арасында әйләнеш системасы буенча турыдан-туры очрашуларда финал стадиясенә узган иң яхшы команда билгеләнде.

Төркем стадияләре нәтиҗәләре буенча финалга «Эксперт +» ҖЧҖ, «КАМАЗ» ГАҖ двигательләр заводы, «Челны-Бройлер» ҖЧҖ командалары чыкты. Алар бер-берсе белән лазертаг буенча турнир кубогы һәм җиңүче исеме өчен көрәштеләр.

Киеренке көрәштә 1 урынны «Эксперт +» ҖЧҖ командасы яулады, икенче урында – «Челны-Бройлер» ҖЧҖ, өченчедә - «КАМАЗ» ГАҖ двигательләр заводы командасы. Командалар дипломнар, медальләр, оештыручылардан һәм партнерлардан призлар белән бүләкләнде.